Almennar fréttir

18. júní 2007

Síðasta botnplatan steypt

Þann sextánda júní var síðasta neðri botnplatan steypt í Tónlistar- og ráðstefnuhúsið. Í hana fóru tæplega 1.300 rúmmetrar af steypu.

Tvær steypudælur, 20 smiðir og 21 steypubíll sáu um að koma steypunni á sinn stað. Byrjað var að dæla steypu laust fyrir klukkan sex um morguninn en öll steypa var komin á sinn stað rétt fyrir klukkan tvö eftir hádegi.

Góður gangur er á framkvæmdinni. Rúmlega 30 járnabindingamenn eru að störfum, aðallega rússar og von er á fleirum. Einnig rúmlega 30 pólskir smiðir og mun þeim fjölga. Að auki eru við störf nokkrir verkamenn, mest sumarfólk. Starfsmenn ÍAV skrifstofufólk, verkstjórar, flokkstjórar, tæknifræðingar og verkfræðingar ásamt mötuneytisstarfsfólki eru smám saman að koma sér fyrir í vinnubúðunum.

Framundan er mikil steypuvinna við veggi og plötur, uppbygging stálburðarvirkis og vinna við raflagnir, frárennslis- og vatnslagnir og loftræsingu, ásamt klæðningu hússins að utan með “glerskúlptúr” Ólafs Elíassonar.

 

 

Twitter Facebook
Til baka

Framkvæmdir við Brimketil - áfanga 2
21. júní 2022

Framkvæmdir við Brimketil - áfanga 2

Framkvæmdir við Brimketil áfanga 2 gengu vel þrátt fyrir erfiðar aðstæður vegna brims og flóðs. ÍAV sá um að stækka útsýnispallinn þannig að fólk komist nær stóra Brimkatlinum og bæta aðgengi að stiga. Verk lauk í byrjun júní.

Njálsgata 65
24. maí 2022

Njálsgata 65

Það líður að verklokum á Njálsgötu 65. Verk hófst nóvember 2021. Um er að ræða 12 innréttaðar íbúðri og uppsetning á flóttastiga. Verkkaupi er Félagsbústaðir og húsnæðið er ætlað sem endurhæfingarhúsnæði fyrir konur, sem hafa lent í félagslegum áföllum af ýmsu tagi. Þarna mun hver einstaklingur dvelja í um tvo til þrjá mánuði.

Skíðalyftur í Bláfjöllum - fyrsta skóflustungan
28. apríl 2022

Skíðalyftur í Bláfjöllum - fyrsta skóflustungan

ÍAV tekur þátt í byggingu tveggja nýrra skíðalyfta í Bláfjöllum. Lyfturnar heita Gosi, sem verður á Suðursvæði, og Drottning, sem verður við Kóngsgil. Þær munu leysa af hólmi eldri lyftur sem bera sömu nöfn. Um er að ræða fjögurra sæta stólalyftur og er verkið er unnið í samstarfi við austuríska lyftuframleiðandann Doppelmayr, sem jafnframt er aðalverktaki verksins. ÍAV mun sjá um jarðvinnu, steypu á undirstöðum fyrir möstur og endastöðvar ásamt reisingu stálgrindarhúsa yfir botnstöðvum og stólageymslu o.fl. Doppelmayr mun síðan sjá um uppsetningu sjálfra lyftanna og alls búnaðar tengdum henni. Fyrsta skóflustunga var tekin núna í vikunni og eru framkvæmdir því formlega byrjaðar.

Fréttasafn