Almennar fréttir

04. febrúar 2022

Sjóvarnargarður við Ánanaust

ÍAV hóf nýlega vinnu við endurbyggingu á sjóvarnargarði við Ánanaust í vesturbæ Reykjavíkur. Verkið er áframhald af endurnýjun grjótvarnar meðfram Eiðsgranda, en framkvæmdum er nýlokið á kaflanum frá skólpdælustöð við Boðagranda að hringtorgi á mótum Ánanausta og Hringbrautar.

Endurbyggður garður verður með bermu og mun lágmarkshæð á toppi sjóvarnar vera 6,5 m.y.s. meðfram Ánanaustum. Við bensínstöð Olís hækkar garðurinn á 20 m kafla í 7,0 m.y.s. og heldur þeirri hæð að kverk við landfyllingu Faxaflóahafna við Fiskislóð.

Helstu magntölur verksins eru:

Lengd sjóvarnargarðs: ~500 metrar
Upprif á númverandi sjóvarnargarði: ~15.000 m3
Grjótröðun, grjót í flokki I 3-6 tonn: ~11.000 m3
Grjótröðun, grjót í flokki II 2-5 tonn: ~11.000 m3
Grjótröðun, grjót í flokki III 0,3-1 tonn: ~15.000 m3

Myndband af drónaflugi yfir vinnusvæðið má sjá á tenglinum: https://youtu.be/BQGGxsixsuQ

Áætluð verklok eru um mánaðarmótin apríl/maí nk.

Twitter Facebook
Til baka

Seðlabanki Íslands
27. janúar 2023

Seðlabanki Íslands

Samningur um endurbætur og stækkun á byggingu Seðlabanka Íslands var undirritaður rafrænt þann 29. desember. Verkið felst í að rífa niður og endurbyggja rými á jarðhæð, 1. hæð og 2. hæð ásamt því að reisa nýbyggingu í hjarta bankans í tengslum við aðalinngang og móttöku.

Nýtt knattspyrnuhús fyrir íþróttafélagið Hauka
22. desember 2022

Nýtt knattspyrnuhús fyrir íþróttafélagið Hauka

Samningur um byggingu 1. áfanga nýs knatthúss fyrir íþróttafélagið Hauka á svæði félagsins á Völlunum í Hafnarfirði var undirritaður í ráðhúsi Hafnarfjarðar þann 28. nóvember. Um er að ræða reisingu og heildarfrágang á stálgrindarhúsi með steyptum veggjum yfir löglegan knattspyrnuvöll þar sem fram eiga að geta farið keppnisleikir í hvaða móti sem er. Enn fremur verður steypt þjónustubygging við enda vallarins sem ekki verður gengið frá að innan. Af tilefni undirritunar samningsins höfðu Hafnfirðingar látið baka glæsilega tertu í líki hússins

Fréttasafn