Stækkun á Furugerði 1 fyrir Félagsbústaði
-
Á myndinni eru frá vinstri til hægri Kristján Arinbjarnar framkvæmdastjóri framkvæmdasviðs ÍAV, Ragnar Kristinsson sviðsstjóri lagna og loftræstingar hjá Mannviti, Sigurður Kr. Friðriksson framkvæmdastjóri Félagsbústaða, Þórarinn Magnússon forstöðumaður framkvæmdadeildar Félagsbústaða og Karl Þráinsson aðstoðarforstjóri ÍAV.
Skrifað hefur verið undir samning um stækkun á Furugerði 1 en þar reka Félagsbústaðir þjónustuíbúðir fyrir aldraða.Furugerði 1 var byggt árið 1977 en þar eru 70 íbúðir á 8 hæðum.Samningurinn felur í sér að byggð verður inndregin hæð á þeirri níundu þar sem verða sex íbúðir og baðaðstaða auk þess sem núverandi matsalur verður stækkaður í kjallara hússins.
Að loknu forvali voru sjö aðilum boðið að bjóða í en fimm skiluðu inn tilboði.Tilboð ÍAV var hagstæðast eða 178.304.690 eða 87% af kostnaðaráætlun.ÍAV munu hefja framkvæmdir fljótlega en verkinu á að vera lokið um miðjan desember.Verkefnastjóri er Unnar Björn Jónsson og Guðmundur Konráðsson byggingastjóri.
