Stækkun Leikskólans Skógarlands hafin
Hafnar eru framkvæmdir við stækkun leikskólans Skógarlands á Egilsstöðum. Byggðar verða tvær deildir sem rúma um 50 nemendur. Í dag eru nemendur skólans tæplega 90 talsins. Leikskólinn var upphaflega teiknaður sem 6 deilda skóli en fyrir eru 4 deildir ásamt öllum stoðrýmum.
ÍAV byggðu leikskólann og luku fyrsta áfanga sumarið 2005. Viðbyggingin er 190 fermetrar og endanleg heildar stærð skólans verður 1071 fermetrar.
Áætlað er að framkvæmdum ljúki 1. september 2007. Gert er ráð fyrir að framkvæmdirnar komi ekki til með að hafa veruleg áhrif á starfsemi skólans, þar sem stefnt er að því að umfangsmeiri framkvæmdir verði unnar á sumarleyfistíma leikskólans.
