Almennar fréttir

30. október 2007

Stuðlaberg í mótun

Frá því á vormánuðum hafa hönnuðir á arkitektastofu Henning Larsen og listamaðurinn Ólafur Elíasson unnið að lokaútfærslu tólf þúsund fermetra glerhjúps sem umlykja mun nýtt tónlistar- og ráðstefnuhús við Austurhöfn og er sú vinna langt komin. Stjórn Austurhafnar–TR hefur fallist á meginhugmyndir hönnuða, en bíður með endanlegt samþykki þar til hugmyndir um litasetningu liggja fyrir.

Hugmyndir hönnuða hafa þróast í þá átt að sjá húsið fyrir sér unnið út úr stuðlabergsfjalli, þar sem suðurhliðin er brotin út úr fjallinu þannig að stuðlarnir koma fram. Á hluta norðurhliðar hússins verður glerið ekki lengur í formi eiginlegs stuðlabergs eins gert hafði verið ráð fyrir, heldur mótar það form sem byggir á hugmyndum um þverskorið stuðlaberg. Austur- og vesturhliðar hússins sem sýndar hafa verið sem venjulegir glerveggir, verða að mestu mótaðar í sama form og norðurhliðin þ.e. sem þverskorið stuðlaberg.

Viljayfirlýsing milli ÍAV og kínversks glerframleiðanda um smíði glerhjúpsins liggur fyrir, en eftir er að ljúka endanlegum samningum. Tillögur Ólafs Elíassonar um litasetningu og spegilgler eru væntanlegar á næstu vikum og verður málið þá tekið til endanlegrar afgreiðslu. Uppsetning glerhjúpsins hefst vorið 2008.

Twitter Facebook
Til baka

Ný tæki hjá ÍAV
23. september 2022

Ný tæki hjá ÍAV

Eftir talsverða bið þá er ánægjulegt að segja frá því að ÍAV hefur á síðustu mánuðum fengið afhent talsvert af nýjum tækjum. Má þar helst nefna Volvo beltagröfu , Caterpillar beltagröfu, tvær Volvo hjólagröfur, Volvo hjólaskóflu, Liebherr hjólaskóflu, Caterpillar jarðýtu og Liebherr byggingakrana. Endurnýjun tækja er ein af megin forsendum góðs rekstrar og er það trú okkar að þessi tæki muni styðja við rekstur ÍAV á komandi árum.

Opnað fyrir umferð um nýjan kafla Suðurlandsvegar
09. september 2022

Opnað fyrir umferð um nýjan kafla Suðurlandsvegar

Opnað var fyrir umferð um hringtorg við Biskupstungnabraut og nýjan kafla Suðurlandsvegar undir Ingólfsfjalli í gær. Fjallað var um framkvæmdina og opnunina á heimasíðu vegagerðarinnar og í fréttum í gær.

Framkvæmdir við Brimketil - áfanga 2
21. júní 2022

Framkvæmdir við Brimketil - áfanga 2

Framkvæmdir við Brimketil áfanga 2 gengu vel þrátt fyrir erfiðar aðstæður vegna brims og flóðs. ÍAV sá um að stækka útsýnispallinn þannig að fólk komist nær stóra Brimkatlinum og bæta aðgengi að stiga. Verk lauk í byrjun júní.

Fréttasafn