Undirbúningsframkvæmdir við Solbak
-
-
Hér má sjá hvar göngin tvo byrja en þau verða sprengd samhliða og verða tæp átta kílómetrar. Fyrsta sprenging er áætluð í byrjun ágúst. -
Nokkur tæki eru þegar komin en fleiri eru væntanleg á næstu vikum. -
Búið er að steypa plötu undir verkstæði (640 m2) og einnig plötu undir sprengiefnabíl (240 m2). Eins og sést á myndunum er mjög þröngt um okkur á verkstað en það rætist úr því þegar sprengingar/fyllingar hefjast en allar fyllingar fara beint í sjóinn við hlið núverandi fyllingar sem sést á myndunum. Skrifstofa okkar verður fyrir ofan verkstæðið.
Nokkrir starfsmenn frá ÍAV og Marti, ásamt starfsmönnum sem ráðnir hafa verið til Marti IAV Solbak DA, hafa verið í Noregi um skeið og unnið þar við aðstöðusköpun. Vinnusvæðið er í bænum Tau sem liggur næst verkstað. Fyrstu starfsmenn frá Tucon, sem sjá um jarðgangagröftinn, koma til vinnu þann 29.júlí.
Vinnubúðirnar eru reistar í bænum Tau á lóð fyrirtækis sem heitir Comrod. Bærinn
Tau hefur haft reglubundnar ferjusiglingar (á 30 mín. fresti yfir daginn) til Stavanger
en ferjusamgöngurnar leggjast af þegar göngin verða opnuð.
Til að byrja með verða reistar vinnubúðir fyrir 88 manns.
