Almennar fréttir

21. mars 2006

Undirbúningsframkvæmdir við tónlistarhús og ráðstefnumiðstöð hafnar

ÍAV hafa hafið undirbúningsframkvæmdir við tónlistarhús og ráðstefnumiðstöð við Reykjavíkurhöfn.Samningur milli ÍAV og Reykjavíkurborgar miðar að því að gera lóð TRH og aðliggjandi lóðir byggingarhæfar. Samningurinn er tvískiptur. Annars vegar tekur IAV tekur að sér á föstu verði ákveðna verkþætti sem eru tæknilega séð óaðskiljanlegir frá byggingu TRH og bílageymsluhús og hins vegar taka ÍAV að sér að stýra öðrum framkvæmdum á svæðinu fyrir hönd Reykjavíkurborgar og munu ÍAV og Reykjavíkurborg bjóða sameiginlega út þá verkþætti. Fastverðssamningurinn hljóðar upp á um 519 milljónir og kostnaðaráætlun fyrir þá verkþætti sem boðnir verða út hljóðar upp á um 781 milljón. Heildar samningsupphæð er því um 1300 milljónir.

Inni í fastverðsamningi er landfylling í Austurbugt, gerð brúar á Geirsgötu yfir fyrirhugaða göngugötu, öll hönnun, aðstaða og rekstur vinnustaðar fyrir verkið allt og viðbótarkostnaður sem fellur byggingu bílgeymsluhúss vegna legu Geirsgötu yfir húsið.

Aðrir verkþættir verða boðnir út og er þar um að ræða rif mannvirkja svo sem Faxaskála, Brokeyjarhúsa og brúar við Tollstöð, færsla stofnlagna á svæðinu, gerð gatna og hjáleiða meðan á framkvæmdum stendur. Verkið er hafið og gert er ráð fyrir að því verði að mestu lokið upp úr miðju ári 2007. Endanleg verklok verða þó ekki fyrr en að byggingu TRH lokinni.

 

Twitter Facebook
Til baka

Samningar - Hraunbær 133
14. júní 2021

Samningar - Hraunbær 133

Bjarg Íbúðafélag hses. og ÍAV undirrituðu þann 4. júní 2021 s.l verksamning sem felur í sér að ÍAV byggi og afhendi alls 64 almennar leiguíbúðir við Hraunbæ 133.

Sky Lagoon afhent
12. maí 2021

Sky Lagoon afhent

ÍAV hefur nú afhent Sky Lagoon til verkkaupans Nature Resort ehf. Sky Lagoon opnaði fyrir almenning þann 1. maí 2021. Nánar má fræðast um verkefnið á vefsíðu þess www.skylagoon.com

Landsbankinn – Fullnaðarfrágangur
16. apríl 2021

Landsbankinn – Fullnaðarfrágangur

Framkvæmdir á vegum ÍAV í Landsbankanum eru að fara á fullt. Verkefni ÍAV er fullnaðarfrágangur á byggingunni að innan og utan. Ísetning glugga hefst í lok apríl og uppsetning steinklæðningar í kjölfarið. Uppsteypuverktaki lýkur sínu verki um mitt sumar og þá getur frágangur innan og utanhúss hafist af krafti. Um er að ræða fimm hæða byggingu og kjallara á tveimur hæðum, sem mun skiptast í mismunandi áfanga, bankastarfsemi, skrifstofu- verslunar- og þjónusturými.

Römpum upp Reykjavík
12. mars 2021

Römpum upp Reykjavík

ÍAV er stofnaðili Römpum upp Reykjavík sem var hrundið af stað í gær 11.mars 2021. Markmiðið að koma fyrir 100 römpum í Reykjavík fyrir fólk á hjólastólum, eins fljótt og auðið er.

Fréttasafn