Undirritun verksamnings í Smáralind
ÍAV og Eignarhaldsfélagið Smáralind skrifuðu undir verksamning þann 19. apríl 2016 um breytingar á Smáralindinni.
Verksamningurinn er stýriverktökusamningur og er verkið þegar hafið.
Fyrsti áfangi verksins felst í minnkun verslunar Hagkaups um 5.000 m² og endurskipulagningu þess svæðis fyrir minni verslanir og gönguleiðir.
Þessum fyrsta áfanga í austur enda hússins á að vera lokið þann 1. nóvember 2016.
Síðari áfangar verksins eru breytingar í vestur enda Smáralindar sem eru áformaðar á næsta ári og breytingar á ytra umhverfi verslunarmiðstöðvarinnar sem verða væntanlega unnar 2017 eða 2018.