Almennar fréttir

14. janúar 2019

Vaðlaheiðargöng formlega opnuð

Laugardaginn 12. janúar voru Vaðlaheiðargöng formlega tekin til notkunar og liggur nú þjóðvegur 1 um göngin.

Margt var um manninn og mikil dagskrá í boði fyrir þá sem vildu líta mannvirkið augum.

Eins og flestir vita hefur ýmislegt gengið á í verkinu og ágætis samantekt á framgangi verksins má finna hér frétt RÚV

Stefnt er að því að loka vinnustaðnum við göngin nú í lok mánaðar. Frágangur á vinnusvæði ásamt fyllingum yfir vegskála í Fnjóskadal mun bíða vors en líklegt er að samið verði við undirverktaka um lúkningu þess sem eftir er í ljósi góðrar verkstöðu ÍAV sunnan heiða.

Ljóst er að mikill fjöldi fólks hefur komið að framkvæmdinni og ómetanlegt hversu mikið fólk var tilbúið að leggja á sig þegar mest á reyndi og aðstæður voru sem erfiðastar.

Um mikla samgöngubót er að ræða fyrir norðlendinga sem og landsmenn alla. Við höfum kynnst því, á nú að verða 6 árum, hversu varhugavert Víkurskarð getur verið og hverskonar farartálmi skarðið er á vetrum.

Við erum stolt af þrautseigju okkar fólks og lúkningu þessa stóra verkefnis.

Twitter Facebook
Til baka

Opnunartími í námum hjá ÍAV hf um n.k. jól og áramót.
10. desember 2021

Opnunartími í námum hjá ÍAV hf um n.k. jól og áramót.

Tekin hefur verið ákvörðun um að Stapafellnáma og Rauðamelsnáma verða lokaðar frá og með 23. desember 2021 og opna aftur 3. janúar 2022. Lambafellsnáma verður opin, ein hjólaskófla veður á staðnum. Starfsmenn náma hjá ÍAV hf þakka viðskiptin á árinu og óska ykkur gleðilegra jóla og farsældar á nýju ári. Virðingafyllst Árni Valur Garðarsson

Maríugata - Skóflustunga
30. nóvember 2021

Maríugata - Skóflustunga

Föstudaginn 19. nóvember sl. var tekin skóflustunga fyrir fjölbýlishús Bjargs og Búseta við Maríugötu í Urriðaholti í Garðabæ. Stefnt er að hefja uppsteypu eftir 2 vikur.

Samningar - Maríugata 5
13. nóvember 2021

Samningar - Maríugata 5

Bjarg Íbúðafélag hses. og ÍAV undirrituðu þann 5. nóvember s.l verksamning sem felur í sér að ÍAV byggi og afhendi alls 22 almennar leiguíbúðir við Maríugötu 5 í Urriðaholtinu, Garðabæ. Um er að ræða eitt fjölbýlishús upp á 5 hæðir.

Fréttasafn