Vaðlaheiðargöng formlega opnuð
-
Steyptar vegaxlir og kantljós gefa göngunum flott yfirbragð -
Við eitt af öryggis-útskotum ganganna -
Elstu íbúar sveitafélaganna sitthvoru megin við göngin klippa á borðann -
Friðrik Ómar syngur Vor í Vaglaskóg – vel tekið undir -
Okkar fólk fylgist spennt með. Frá vinstri Þóroddur Ottesen, fjármálastjóri ÍAV, Sigurður Ragnarsson forstjóri og Kristján Arinbjarnar framkvæmdastjóri (aftan við Sigurð) og Sunna Zophoniasdóttir. -
-
-
Laugardaginn 12. janúar voru Vaðlaheiðargöng formlega tekin til notkunar og liggur nú þjóðvegur 1 um göngin.
Margt var um manninn og mikil dagskrá í boði fyrir þá sem vildu líta mannvirkið augum.
Eins og flestir vita hefur ýmislegt gengið á í verkinu og ágætis samantekt á framgangi verksins má finna hér frétt RÚV
Stefnt er að því að loka vinnustaðnum við göngin nú í lok mánaðar. Frágangur á vinnusvæði ásamt fyllingum yfir vegskála í Fnjóskadal mun bíða vors en líklegt er að samið verði við undirverktaka um lúkningu þess sem eftir er í ljósi góðrar verkstöðu ÍAV sunnan heiða.
Ljóst er að mikill fjöldi fólks hefur komið að framkvæmdinni og ómetanlegt hversu mikið fólk var tilbúið að leggja á sig þegar mest á reyndi og aðstæður voru sem erfiðastar.
Um mikla samgöngubót er að ræða fyrir norðlendinga sem og landsmenn alla. Við höfum kynnst því, á nú að verða 6 árum, hversu varhugavert Víkurskarð getur verið og hverskonar farartálmi skarðið er á vetrum.
Við erum stolt af þrautseigju okkar fólks og lúkningu þessa stóra verkefnis.
