Verklok og vígsla í Ölgerðinni
Í ágúst lauk vinnu ÍAV við nýtt 12.500 fermetra lager og skrifstofuhúsnæði fyrir ölgerð Egils Skallagrímssonar við Grjótháls 7- 11 í Reykjavík. Um er ræða fjögurra hæða byggingu sem hýsir nú skrifstofur starfsmanna, tæknirými auk lagers Ölgerðarinnar og Danól en þau fyrirtæki sameinuðust 1. janúar 2008, undir nafni Ölgerðarinnar.
Við verkið störfuðu um 120 starfsmenn ÍAV og undirverktaka þegar mest var en framkvæmdir hófust í byrjun árs 2008. Byggingin var formlega vígð í dag við hátíðlega athöfn. ÍAV óskar stjórnendum og starfsmönnum Ölgerðarinnar til hamingju með glæsilega byggingu.
