Verksamningur um Álftanesveg
-
Við undirskrift samnings, frá hægri Jóhann Bergmann og Rögnvaldur Gunnarsson frá Vegagerðinni, Guðjón E Friðriksson, bæjarritari í Garðabæjar, Karl Þráinsson, Gunnar Páll, Árni Valur Garðarsson og Sigurður Sigurðsson frá ÍAV.
Síðastliðinn föstudag var skrifað undir verksamning vegna lagningu Álftanesvegar. Í verksamningnum felst: Færsla á núverandi vegi um Gálgahraun til norðurs en nýi vegurinn verður um 2,5 km langur, breikkun á núverandi vegi frá afleggjaranum að Bessastöðum eða um 1,4 km leið, framkvæmd við mislæg vegamót í Garðahrauni ásamt tvennum göngum fyrir gangandi umferð.
Strax á næstu dögum verður hafist handa við að koma fyrir vinnubúðum á svæðinu. Áætlanir gera ráð fyrir að allt að 70 þúsund m3 af klöpp verði sprengd á svæðinu og að allt efni í veginn verði unnið á staðnum. Alls munu um 20 manns starfa við verkið þegar að mest verður.
Verklok eru áætluð í september 2015.
