Almennar fréttir

14. júní 2018

Verkstaða við uppbyggingu íbúðarhúsnæðis að 201 Smára

Eins og er hefur verið samið um tvo reiti, A01 og A02, á svæðinu sem hefur hlotið heitið 201 Smári. Svæðið skiptist í 10 minni undirsvæði sem hvert um sig mun hýsa íbúðarhúsnæði sem munu að heild búa yfir rúmlega 650 íbúðum.

A01, eða Sunnusmári 24-28, er byrjaður að taka á sig skýrari mynd en uppsteypa þess er langt komin. Unnið er í óða önn að leggja lagnir og rafmagn um bygginguna ásamt því að hlaða og sparstla innveggi þannig að hægt verði að byrja að innrétta stöku íbúðir sem fyrst, en afhending fyrstu íbúðanna á að fara fram í september.

A02, eða Sunnusmári 18-22, er á svipuðu reiki og A01 hvað varðar uppsteypu en vinna að innvolsi byggingarinnar er ekki hafin eins og er.

Samningaviðræður um þriðja svæðið, A10, eru í fullu gangi en jarðvinna er nú þegar hafin á svæðinu.

Í dag eru í kringum 100 manns við vinnu á svæðinu, en sú tala á trúlega eftir að hækka þegar samið verður um fleiri reiti og vinna við þá getur hafist. Samkvæmt áætlun verður sú tala í kringum 250 þegar mest verður.

Twitter Facebook
Til baka

Framkvæmdir við Brimketil - áfanga 2
21. júní 2022

Framkvæmdir við Brimketil - áfanga 2

Framkvæmdir við Brimketil áfanga 2 gengu vel þrátt fyrir erfiðar aðstæður vegna brims og flóðs. ÍAV sá um að stækka útsýnispallinn þannig að fólk komist nær stóra Brimkatlinum og bæta aðgengi að stiga. Verk lauk í byrjun júní.

Njálsgata 65
24. maí 2022

Njálsgata 65

Það líður að verklokum á Njálsgötu 65. Verk hófst nóvember 2021. Um er að ræða 12 innréttaðar íbúðri og uppsetning á flóttastiga. Verkkaupi er Félagsbústaðir og húsnæðið er ætlað sem endurhæfingarhúsnæði fyrir konur, sem hafa lent í félagslegum áföllum af ýmsu tagi. Þarna mun hver einstaklingur dvelja í um tvo til þrjá mánuði.

Skíðalyftur í Bláfjöllum - fyrsta skóflustungan
28. apríl 2022

Skíðalyftur í Bláfjöllum - fyrsta skóflustungan

ÍAV tekur þátt í byggingu tveggja nýrra skíðalyfta í Bláfjöllum. Lyfturnar heita Gosi, sem verður á Suðursvæði, og Drottning, sem verður við Kóngsgil. Þær munu leysa af hólmi eldri lyftur sem bera sömu nöfn. Um er að ræða fjögurra sæta stólalyftur og er verkið er unnið í samstarfi við austuríska lyftuframleiðandann Doppelmayr, sem jafnframt er aðalverktaki verksins. ÍAV mun sjá um jarðvinnu, steypu á undirstöðum fyrir möstur og endastöðvar ásamt reisingu stálgrindarhúsa yfir botnstöðvum og stólageymslu o.fl. Doppelmayr mun síðan sjá um uppsetningu sjálfra lyftanna og alls búnaðar tengdum henni. Fyrsta skóflustunga var tekin núna í vikunni og eru framkvæmdir því formlega byrjaðar.

Fréttasafn