Almennar fréttir

27. janúar 2015

Við byggðum Hörpu

Bókin Við byggðum Hörpu er nú aðgengileg á vefnum og hér má skoða hana.

Markmiðið með þessari bók er að halda til haga byggingarsögu tónlistar- og ráðstefnuhússins Hörpu. Hún er einnig minnisvarði um frábæra fagþekkingu iðngreinanna, stjórnenda verksins og hönnuðanna sem sköpuðu Hörpu. Þáttur iðnaðarmanna og verktaka vill oft gleymast en án þeirra væri hönnunin eins og nótur á blaði án hljómsveitar til að fylla salina af tónum.

Engu húsi hefur verið tekið eins fagnandi af notendum og gestum, unnendum tónlistar og ráðstefnugestum og Hörpu. Á fyrsta ári kom yfir milljón gesta í húsið. Við öll sem komum að byggingu þessa merka húss erum full stolts og það stolt endurómar í nafninu sem við völdum á bókina: Við byggðum Hörpu.

Bókin er tileinkuð öllum þeim þúsundum sem komu að byggingu Hörpu

Twitter Facebook
Til baka

Seðlabanki Íslands
27. janúar 2023

Seðlabanki Íslands

Samningur um endurbætur og stækkun á byggingu Seðlabanka Íslands var undirritaður rafrænt þann 29. desember. Verkið felst í að rífa niður og endurbyggja rými á jarðhæð, 1. hæð og 2. hæð ásamt því að reisa nýbyggingu í hjarta bankans í tengslum við aðalinngang og móttöku.

Nýtt knattspyrnuhús fyrir íþróttafélagið Hauka
22. desember 2022

Nýtt knattspyrnuhús fyrir íþróttafélagið Hauka

Samningur um byggingu 1. áfanga nýs knatthúss fyrir íþróttafélagið Hauka á svæði félagsins á Völlunum í Hafnarfirði var undirritaður í ráðhúsi Hafnarfjarðar þann 28. nóvember. Um er að ræða reisingu og heildarfrágang á stálgrindarhúsi með steyptum veggjum yfir löglegan knattspyrnuvöll þar sem fram eiga að geta farið keppnisleikir í hvaða móti sem er. Enn fremur verður steypt þjónustubygging við enda vallarins sem ekki verður gengið frá að innan. Af tilefni undirritunar samningsins höfðu Hafnfirðingar látið baka glæsilega tertu í líki hússins

Fréttasafn