Almennar fréttir

27. september 2010

Vígsla Bolungarvíkurganga

Bolungarvíkurgöng voru vígð við hátíðlega athöfn laugardaginn 25. september. Athöfnin hófst á því að minnisvarði um þá sem látist hafa á ferð sinni um Óshlíðarveg, var afhjúpaður og látinna minnst. Heimamönnum gafst síðan tækifæri til að hlaupa eða hjóla í gegnum göngin.

Formleg opnun ganganna var síðan í höndum Ögmundar Jónassonar samgönguráðherra en honum til fulltingis voru Kristjáni L. Möller fyrrverandi samgönguráðherra og Hreinn Haraldsson vegamálastjóri. Þeir klipptu á borða Bolungarvíkurmegin en að því loknu var umferð hleypt í gegnum göngin. Kaffisamsæti var að því loknu í íþróttahúsi Bolungarvíkur en þar fluttu meðal annars ávarp, forseti Íslands, samgönguráðherra og fleiri. Í ræðum var verktakanum Ósafli þökkuð sérstaklega, vönduð og fagleg vinnubrögð.

Mikið fjölmenni var saman komið beggja vegna ganganna og greinilegt var að heimamenn biðu í ofvæni eftir því að þessi mikla samgöngubót yrði opnuð.

Heildarlengd ganganna er 5400 metrar. Í tengslum við göngin voru einnig lagðir nýir vegir og brýr. Ósafl óskar Vestfirðingum til hamingju með þessa miklu samgöngubót.

Twitter Facebook
Til baka

Framkvæmdir við Brimketil - áfanga 2
21. júní 2022

Framkvæmdir við Brimketil - áfanga 2

Framkvæmdir við Brimketil áfanga 2 gengu vel þrátt fyrir erfiðar aðstæður vegna brims og flóðs. ÍAV sá um að stækka útsýnispallinn þannig að fólk komist nær stóra Brimkatlinum og bæta aðgengi að stiga. Verk lauk í byrjun júní.

Njálsgata 65
24. maí 2022

Njálsgata 65

Það líður að verklokum á Njálsgötu 65. Verk hófst nóvember 2021. Um er að ræða 12 innréttaðar íbúðri og uppsetning á flóttastiga. Verkkaupi er Félagsbústaðir og húsnæðið er ætlað sem endurhæfingarhúsnæði fyrir konur, sem hafa lent í félagslegum áföllum af ýmsu tagi. Þarna mun hver einstaklingur dvelja í um tvo til þrjá mánuði.

Skíðalyftur í Bláfjöllum - fyrsta skóflustungan
28. apríl 2022

Skíðalyftur í Bláfjöllum - fyrsta skóflustungan

ÍAV tekur þátt í byggingu tveggja nýrra skíðalyfta í Bláfjöllum. Lyfturnar heita Gosi, sem verður á Suðursvæði, og Drottning, sem verður við Kóngsgil. Þær munu leysa af hólmi eldri lyftur sem bera sömu nöfn. Um er að ræða fjögurra sæta stólalyftur og er verkið er unnið í samstarfi við austuríska lyftuframleiðandann Doppelmayr, sem jafnframt er aðalverktaki verksins. ÍAV mun sjá um jarðvinnu, steypu á undirstöðum fyrir möstur og endastöðvar ásamt reisingu stálgrindarhúsa yfir botnstöðvum og stólageymslu o.fl. Doppelmayr mun síðan sjá um uppsetningu sjálfra lyftanna og alls búnaðar tengdum henni. Fyrsta skóflustunga var tekin núna í vikunni og eru framkvæmdir því formlega byrjaðar.

Fréttasafn