Almennar fréttir

15. október 2007

Vígsla síðari áfanga Lagarfossvirkjunar

Laugardaginn 6. október var síðari áfangi Lagarfossvirkjunar formlega tekinn í notkun. Vígsluathöfnin hófst klukkan 15:00 og við það tækifæri lagði Hilmar Gunnlaugsson stjórnarformaður RARIK hornstein að virkjunninni.

ÍAV hófu um miðjan apríl 2005 framkvæmdir við stækkun Lagarfossvirkjunar fyrir RARIK. Verkefnið fól í sér stækkun stöðvarhúss til norðurs, nýtt inntak norðan við það sem fyrir var og þrýstivatnsstokk á milli nýja inntaksins og stöðvarhúsviðbyggingar. Ennfremur rýmkun aðrennslisskurðar með tilheyrandi vatnsvarnarvirkjum og stíflugerð.

Fyrri áfangi Lagarfossvirkjunar var tekinn í notkun árið 1975, þá um 8 megavött að stærð. Með síðari áfanga árið 2007 er virkjunin orðin alls um 28 megavött.

Twitter Facebook
Til baka

Dynjandisheiði
29. september 2021

Dynjandisheiði

Gott viðtal við Bjarka Laxdal sem sýnt var í kvöldfréttum Stöðvar 2 vegna Dynjandisheiði 20.sept s.l.

Áfanga ll - Stapaskóli
22. september 2021

Áfanga ll - Stapaskóli

ÍAV hefur undirritað samning við Reykjansbæ um uppbyggingu á áfanga ll við Stapaskóla á Dalsbraut 11-13. Flatarmál stækkunarinnar er 5600 m2 og mun stækkunin hýsa fullbúið íþróttahús sem rúmar fullan keppnisvöll í körfubolta með allt að 1.200 áhorfendur og 25 metra innisundlaug ásamt heitum pottum. Vinnan hefst strax og afhending verður 15. desember 2022.

Fjölnota Íþróttahús í Garðabæ
20. september 2021

Fjölnota Íþróttahús í Garðabæ

Framkvæmdir á fjölnota íþróttahúsi Garðabæjar ganga vel. Unnið er að glugga ísetningu sem er komin langt á veg og byrjað er að klæða húsið. Verið er að ganga frá samning um bílastæði við íþróttahúsið en búið er að gefa leyfi á að hefja framkvæmdir og munu þær hefjast í þessum mánuði. Innanhússfrágangur inni í sal er einnig á fullu og stefnt er að því að klára allan þann frágang í október og í kjölfari leggja niður gervigrasið. Búið er að flísaleggja stóran hluta veggja og stefnt er að því að klára gólfflísar í október. Í kjölfari koma innréttingar, bekkir og snagar inn. Um er að ræða 10.000 fm salur en alls 17.000 fm hús. Afhenda á íþróttahúsið um miðjan desember.

Framkvæmdir hafnar í Hraunbæ
13. ágúst 2021

Framkvæmdir hafnar í Hraunbæ

ÍAV undirrituðu þann 4. júní 2021 s.l verksamning sem felur í sér að ÍAV byggi og afhendi alls 64 almennar leiguíbúðir við Hraunbæ 133. Samtals eru 59 íbúðir í tveimur 3-5 hæða blokkum með 4 stigagöngum, auk þess raðhús á tveimur hæðum með 5 íbúðum. Nú eru framkvæmdir hafnar. Jarðvinnan byrjaði í júlí og fyrstu smiðir komu á staðinn á mánudaginn og þá hófst uppsteypa.

Fréttasafn