Almennar fréttir

24. ágúst 2009

Vinna við glerhjúpinn hafin

Í sumar hófust framkvæmdir við uppsetningu glerhjúpsinssem umlykja mun Tónlistar- og ráðstefnuhúsið.Glerhjúpurinn er framleiddur af kínverska fyrirtækinu Lingyun og sérfræðingar á þeirra vegum sjá um uppsetningu hjúpsins. Verkið er gífurlega flókið og mikil nákvæmnisvinna liggur að baki hverju handtaki í framleiðslu og uppsetningu auk þess sem hönnunin er mjög flókin.Gera má ráð fyrir að teikningarnar í kringum glerhjúpinn verði vel yfir 6.000 þegar upp verður staðið.

Það er Ólafur Elíasson, í samvinnu við Henning Larsen Architechts, sem forhannar glerhjúpinn en Lingyun sér um fullnaðarhönnun hans.Hugmyndin að baki glerhjúpnum er sótt til íslenskrar náttúru sem er endalaus uppspretta lita og forma og er stuðlabergið fyrirmynd hjúpsins. Breytingar í himinblámanum munu gefa glerhjúpnum ótal litbrigði, eftir veðri, árstíma og mismunandi tímum sólarhringsins.

Áætlað er að vinna við uppsetningu glerhjúpsins taki um 18 mánuðiog verði lokið haustið 2010.

 

Twitter Facebook
Til baka

Njálsgata 65
24. maí 2022

Njálsgata 65

Það líður að verklokum á Njálsgötu 65. Verk hófst nóvember 2021. Um er að ræða 12 innréttaðar íbúðri og uppsetning á flóttastiga. Verkkaupi er Félagsbústaðir og húsnæðið er ætlað sem endurhæfingarhúsnæði fyrir konur, sem hafa lent í félagslegum áföllum af ýmsu tagi. Þarna mun hver einstaklingur dvelja í um tvo til þrjá mánuði.

Skíðalyftur í Bláfjöllum - fyrsta skóflustungan
28. apríl 2022

Skíðalyftur í Bláfjöllum - fyrsta skóflustungan

ÍAV tekur þátt í byggingu tveggja nýrra skíðalyfta í Bláfjöllum. Lyfturnar heita Gosi, sem verður á Suðursvæði, og Drottning, sem verður við Kóngsgil. Þær munu leysa af hólmi eldri lyftur sem bera sömu nöfn. Um er að ræða fjögurra sæta stólalyftur og er verkið er unnið í samstarfi við austuríska lyftuframleiðandann Doppelmayr, sem jafnframt er aðalverktaki verksins. ÍAV mun sjá um jarðvinnu, steypu á undirstöðum fyrir möstur og endastöðvar ásamt reisingu stálgrindarhúsa yfir botnstöðvum og stólageymslu o.fl. Doppelmayr mun síðan sjá um uppsetningu sjálfra lyftanna og alls búnaðar tengdum henni. Fyrsta skóflustunga var tekin núna í vikunni og eru framkvæmdir því formlega byrjaðar.

Fjölnota íþróttahúsið í Garðabæ afhent
22. mars 2022

Fjölnota íþróttahúsið í Garðabæ afhent

Íslenskir aðalverktakar hf. afhentu Garðabæ nýtt fjölnotaíþróttahús í byrjun febrúar. Við erum stolt af því að hafa byggt og hönnunarstýrt þessu mannvirki í góðu samstarfi við Verkís verkfræðistofu og Ask arkitekta.

Sjóvarnargarður við Ánanaust
04. febrúar 2022

Sjóvarnargarður við Ánanaust

ÍAV hóf nýlega vinnu við endurbyggingu á sjóvarnargarði við Ánanaust í vesturbæ Reykjavíkur. Verkið er áframhald af endurnýjun grjótvarnar meðfram Eiðsgranda, en framkvæmdum er nýlokið á kaflanum frá skólpdælustöð við Boðagranda að hringtorgi á mótum Ánanausta og Hringbrautar. Myndband af drónaflugi yfir vinnusvæðið má sjá á tenglinum: https://youtu.be/BQGGxsixsuQ

Fréttasafn