Almennar fréttir

08. júní 2007

Vinna við Háskólatorg gengur vel

Uppsteypu er lokið og verið er að reisa stálvirki. Unnið er við grófjöfnun lóðar og í júlí/ágúst verður byrjað á lokafrágangi hennar.

ÍAV hófu í apríl 2006 byggingu á Háskólatorgi. Háskólatorg er samheiti tveggja bygginga með tengibyggingu sem áttu upphaflega að verða alls um 8.500 fermetrar. Í vinnsluferlinu var ákveðið að stækka verkið og verður heildar flatarmál bygginganna nú um 10.000 fermetrar.

Hjalti Gylfason verkefnisstjóri og Árni Magnússon aðstoðarverkefnisstjóri segja framkvæmdir ganga vel, verkið er á áætlun og reiknað er með að hægt verði að loka þeim áfanga sem kallaður er Háskólatorg 1 í ágúst 2007 og þriðju hæðinni á Háskólatorgi 2 um miðjan október sama ár.

Verklok á fyrri áfanga er í nóvember 2007 en þeim seinni í febrúar 2008.

 

Twitter Facebook
Til baka

Dynjandisheiði
29. september 2021

Dynjandisheiði

Gott viðtal við Bjarka Laxdal sem sýnt var í kvöldfréttum Stöðvar 2 vegna Dynjandisheiði 20.sept s.l.

Áfanga ll - Stapaskóli
22. september 2021

Áfanga ll - Stapaskóli

ÍAV hefur undirritað samning við Reykjansbæ um uppbyggingu á áfanga ll við Stapaskóla á Dalsbraut 11-13. Flatarmál stækkunarinnar er 5600 m2 og mun stækkunin hýsa fullbúið íþróttahús sem rúmar fullan keppnisvöll í körfubolta með allt að 1.200 áhorfendur og 25 metra innisundlaug ásamt heitum pottum. Vinnan hefst strax og afhending verður 15. desember 2022.

Fjölnota Íþróttahús í Garðabæ
20. september 2021

Fjölnota Íþróttahús í Garðabæ

Framkvæmdir á fjölnota íþróttahúsi Garðabæjar ganga vel. Unnið er að glugga ísetningu sem er komin langt á veg og byrjað er að klæða húsið. Verið er að ganga frá samning um bílastæði við íþróttahúsið en búið er að gefa leyfi á að hefja framkvæmdir og munu þær hefjast í þessum mánuði. Innanhússfrágangur inni í sal er einnig á fullu og stefnt er að því að klára allan þann frágang í október og í kjölfari leggja niður gervigrasið. Búið er að flísaleggja stóran hluta veggja og stefnt er að því að klára gólfflísar í október. Í kjölfari koma innréttingar, bekkir og snagar inn. Um er að ræða 10.000 fm salur en alls 17.000 fm hús. Afhenda á íþróttahúsið um miðjan desember.

Framkvæmdir hafnar í Hraunbæ
13. ágúst 2021

Framkvæmdir hafnar í Hraunbæ

ÍAV undirrituðu þann 4. júní 2021 s.l verksamning sem felur í sér að ÍAV byggi og afhendi alls 64 almennar leiguíbúðir við Hraunbæ 133. Samtals eru 59 íbúðir í tveimur 3-5 hæða blokkum með 4 stigagöngum, auk þess raðhús á tveimur hæðum með 5 íbúðum. Nú eru framkvæmdir hafnar. Jarðvinnan byrjaði í júlí og fyrstu smiðir komu á staðinn á mánudaginn og þá hófst uppsteypa.

Fréttasafn