Almennar fréttir

10. mars 2009

ÍAV, Marti og samstarfsfyrirtæki lægstbjóðendur í virkjun í Sviss

Opnuð hafa verið tilboð í 1.000 MW vatnsaflsvirkjun í Sviss.ÍAV var meðbjóðandi í verkefnið í félagi með Marti-group,Toneatti frá Sviss og Tubau frá Slóvakíu og átti samsteypan lægsta tilboðið í verkefnið.Marti-group sem er samstarfsaðili ÍAV við gerð Bolungarvíkurganga er í forsvarifyrir samsteypuna.Tilboð samsteypunnar er um 70 milljarðar króna.

Um er að ræða 1.000 MW vatnsaflsvirkjun sem virkjar 600 metra fallhæð milli tveggja stöðuvatna í Ölpunum.Ætlunin er að virkjunin framleiði rafmagn á háannatíma á daginn en nýti umfram rafmagn frá raforkuverum á nóttunni til að dæla vatninu til baka frá neðra stöðuvatninu í það efra.Verkefnið felst í gerð jarðganga, stöðvarhúshvelfingar, byggingu stöðvarhúss og inntaksmannvirkja ásamt steyptri stíflu.

Gert er ráð fyrir að samningaviðræður við verkkaupa hefjist á næstu vikum þar sem farið verður yfir framlögð gögn og fyrirvara og framhaldið ákveðið.Fyrirhugað er að hefja framkvæmdir á þessu ári og er verktími tæplega 5 ár.

Nánari upplýsingar veitir:

Karl Þráinsson aðstoðarforstjóri ÍAV, karl.th@iav.is eða í símum 530 4200 eða 693 4251.

 

Twitter Facebook
Til baka

Fréttasafn