Fréttir

29. janúar 2004

Fasteignaþjónusta ÍAV

ÍAV hafa hrundið af stað fasteignaþjónustu. Fasteignafélögum, húsfélögum og öðrum stærri fasteignaeigendum s.s. opinberum aðilum er boðið að gera þjónustusamning við ÍAV og samstarfsaðila um fasteignaþjónustu. Þjónustan sem í boði er felst m.a. í aðgengi að þjónustuborði sem er opið allan sólarhringinn fyrir viðskiptavini ÍAV. Föst verðskrá á við um reglulegar og tilfallandi skoðanir fasteigna og vinnu iðnaðarmanna. Haldið er utan um verkferla og staðlaðar upplýsingar fasteigna á sérstökum vef þar sem hver verkkaupi hefur aðgang að upplýsingum um sínar eignir. Á vefnum eru allar verkbeiðnir, tíma- og kostnaðartölur auk upplýsinga um þætti sem tengjast byggingunnni s.s. teikningar, ljósmyndir, orkuskráningar, eignaskiptasamningar, byggingarlýsingar, viðhalds- og viðgerðarsaga o.fl. Þegar reynsla og þekking á viðfangsefninu fæst smám saman eftir útköll, viðgerðir og skoðunarferðir er hægt að koma fram með tillögur um sparnað og hagræðingu auk forgangsröðunar fjármagns á næstu viðhaldsáætlun. Reglulegar skýrslur verður hægt að prenta út auk reglulegra funda með fulltrúum fasteignaeigenda. Með þessum hætti verður hægt að tryggja faglega ákvarðanatöku og lækka kostnað með fyrirbyggjandi viðhaldi.

Twitter Facebook
Til baka

 

ÍAV afhendir fyrsta húsið á Austurlandi
05. desember 2004

ÍAV afhendir fyrsta húsið á Austurlandi

ÍAV hafa afhent fyrsta húsið sem fyrirtækið byggir á Austurlandi. Húsið er glæsilegt einnar hæðar einbýlishús um 200 fermetrar að stærð með bílskúr. Húsið stendur við Vallargerði 17 á Reyðarfirði.

Íþróttaakademía
15. nóvember 2004

Íþróttaakademía

ÍAV hófu um miðjan nóvember 2004 byggingu fyrsta áfanga Íþróttaakademíu í Reykjanesbæ. Í Íþróttaakademíunni mun fara fram kennsla í íþróttafræðum á háskólastigi. Byggingu fyrsta áfanga hússins verður lokið næsta haust og mun skólastarf hefjast í september 2005.

Íþróttamannvirki í Garðabæ formlega opnað
10. október 2004

Íþróttamannvirki í Garðabæ formlega opnað

Nýtt stórglæsilegt íþróttamannvirki við Skólabraut í Garðabæ var formlega opnað þann 10. október sl. Byggingin er um 4.200 fm að stærð á tveimur hæðum. Í íþróttamannvirkinu er m.a. tvöfaldur handboltavöllur, kennslusundlaug með heitum potti, sex búningsklefar og hlaupabraut. Starfsmenn ÍAV hófu byggingaframkvæmdir í júní 2003.

Rannsókna- og nýsköpunarhús við Háskólann á Akureyri fullbúið
01. október 2004

Rannsókna- og nýsköpunarhús við Háskólann á Akureyri fullbúið

Þann 1. október, skiluðu ÍAV fullbúnu rannsókna- og nýsköpunarhúsi við Háskólann á Akureyri. Um einkaframkvæmd er að ræða, ÍAV sáu um byggingu hússins, Landsafl er eignaraðili þess og ISS mun reka húsið fyrir menntamálaráðuneytið næstu 25 árin.

Fréttasafn