Fréttir

11. mars 2004

Umfangsmikil uppbygging hafin

ÍAV hefja mikla uppbyggingu íbúðarhúsnæðis á Austurlandi
Miðvikudaginn 10. mars var hafist handa við byggingu á einbýlishúsi við Vallargerði 17 á Reyðarfirði á vegum ÍAV. Húsið er það fyrsta sem mun rísa á Austurlandi á vegum fyrirtækisins. Samið var við Bragasyni ehf í Fjarðabyggð um að grafa grunninn. Gert er ráð fyrir að húsið rísi í apríl og verði tilbúið í júní n.k. Alls hafa ÍAV fengið úthlutað lóð undir 151 íbúð í svokölluðu Bakkagerði á Reyðarfirði. ÍAV hafa í samvinnu við Fjarðabyggð gert breytingar á skipulagi sem fyrir lá af hverfinu með það í huga að þétta þá byggð sem fyrir er og auka fjölbreytileika í íbúðagerðum. Í Bakkagerði verða samkvæmt gildandi skipulagi 55 einbýlishús, 44 íbúðir í rað- og parhúsum og 52 íbúðir í fjölbýlishúsum. Fjölbýlishúsin verða lágreist, 2-3 hæðir með 5 til 16 íbúðum.

Á Egilsstöðum hafa ÍAV fengið úthlutað lóðum fyrir 123 íbúðir í Votahvammi. ÍAV hafa látið deiliskipuleggja skjólgott og fjölbreytt íbúðahverfi milli núverandi byggðar og Eyvindarár. Skipulag svæðisins samanstendur af fimm húsaþyrpingum og tólf stakstæðum lóðum. Þyrpingarnar mynda sameiginlegt miðjurými, með leik- og útivistarsvæði og í hverri þyrpingu eru sameiginleg bílastæði. Eyvindaráin rennur í norðurjaðri Votahvamms og verður suðurbakki árinnar styrktur og endurgerður og svæðið meðfram ánni nýtt til útivistar. Göngustígar verða lagðir um svæðið sem tengjast göngustígum í núverandi íbúðabyggð. Eitt leiksvæði verður á skipulagssvæðinu og verður það tengt lóðunum umhverfis með göngustígum. Deiliskipulagið hefur verið auglýst og má reikna með að framkvæmdir geti hafist um mitt ár. Á svæðinu verða 10 einbýlishús, 41 íbúð í rað- og parhúsum og 72 íbúðir í fjölbýlishúsum. Fjölbýlishúsin verða þriggja hæða með 12 íbúðum hvert.

ÍAV gerir ráð fyrir að nota austfirska iðnaðarmenn við uppbygginguna að svo miklu leiti sem mögulegt er.

Twitter Facebook
Til baka

 

ÍAV afhendir fyrsta húsið á Austurlandi
05. desember 2004

ÍAV afhendir fyrsta húsið á Austurlandi

ÍAV hafa afhent fyrsta húsið sem fyrirtækið byggir á Austurlandi. Húsið er glæsilegt einnar hæðar einbýlishús um 200 fermetrar að stærð með bílskúr. Húsið stendur við Vallargerði 17 á Reyðarfirði.

Íþróttaakademía
15. nóvember 2004

Íþróttaakademía

ÍAV hófu um miðjan nóvember 2004 byggingu fyrsta áfanga Íþróttaakademíu í Reykjanesbæ. Í Íþróttaakademíunni mun fara fram kennsla í íþróttafræðum á háskólastigi. Byggingu fyrsta áfanga hússins verður lokið næsta haust og mun skólastarf hefjast í september 2005.

Íþróttamannvirki í Garðabæ formlega opnað
10. október 2004

Íþróttamannvirki í Garðabæ formlega opnað

Nýtt stórglæsilegt íþróttamannvirki við Skólabraut í Garðabæ var formlega opnað þann 10. október sl. Byggingin er um 4.200 fm að stærð á tveimur hæðum. Í íþróttamannvirkinu er m.a. tvöfaldur handboltavöllur, kennslusundlaug með heitum potti, sex búningsklefar og hlaupabraut. Starfsmenn ÍAV hófu byggingaframkvæmdir í júní 2003.

Rannsókna- og nýsköpunarhús við Háskólann á Akureyri fullbúið
01. október 2004

Rannsókna- og nýsköpunarhús við Háskólann á Akureyri fullbúið

Þann 1. október, skiluðu ÍAV fullbúnu rannsókna- og nýsköpunarhúsi við Háskólann á Akureyri. Um einkaframkvæmd er að ræða, ÍAV sáu um byggingu hússins, Landsafl er eignaraðili þess og ISS mun reka húsið fyrir menntamálaráðuneytið næstu 25 árin.

Fréttasafn