Fréttir

27. maí 2004

ÍAV reisir leikskóla við Skógarlönd, Austur - Héraði

Þann 27. maí 2004 var undirritaður samningur milli Austur-Héraðs og Íslenskra aðalverktaka um byggingu nýs leikskóla á Egilsstöðum. Í kjölfarið var fyrsta skóflustungan tekin með aðstoð leikskólabarna á Austur-Héraði.

Undirritun samningsins fór fram kl 13:30 í sal bæjarstjórnar að Lyngási 12, Egilsstöðum, á grundvelli alútboðs.

Í fyrsta áfanga verður byggður fjögurra deilda leikskóli, samtals um 880 fermetrar, ásamt sameiginlegu rými fyrir sex leikskóladeildir. Lóð og 31 bílastæði verða fullfrágengin og sett verða upp leiktæki og annar búnaður.

Gert er ráð fyrir að leikskólinn verði tekinn í notkun í maí árið 2005.

Verkefnastjóri er Guðgeir Sigurjónsson. Áætlað er að um 15 manns vinni að bygginguna að jafnaði. Gert er ráð fyrir að ÍAV semji við heimamenn um þá verkþætti sem við eiga.

Twitter Facebook
Til baka

 

ÍAV afhendir fyrsta húsið á Austurlandi
05. desember 2004

ÍAV afhendir fyrsta húsið á Austurlandi

ÍAV hafa afhent fyrsta húsið sem fyrirtækið byggir á Austurlandi. Húsið er glæsilegt einnar hæðar einbýlishús um 200 fermetrar að stærð með bílskúr. Húsið stendur við Vallargerði 17 á Reyðarfirði.

Íþróttaakademía
15. nóvember 2004

Íþróttaakademía

ÍAV hófu um miðjan nóvember 2004 byggingu fyrsta áfanga Íþróttaakademíu í Reykjanesbæ. Í Íþróttaakademíunni mun fara fram kennsla í íþróttafræðum á háskólastigi. Byggingu fyrsta áfanga hússins verður lokið næsta haust og mun skólastarf hefjast í september 2005.

Íþróttamannvirki í Garðabæ formlega opnað
10. október 2004

Íþróttamannvirki í Garðabæ formlega opnað

Nýtt stórglæsilegt íþróttamannvirki við Skólabraut í Garðabæ var formlega opnað þann 10. október sl. Byggingin er um 4.200 fm að stærð á tveimur hæðum. Í íþróttamannvirkinu er m.a. tvöfaldur handboltavöllur, kennslusundlaug með heitum potti, sex búningsklefar og hlaupabraut. Starfsmenn ÍAV hófu byggingaframkvæmdir í júní 2003.

Rannsókna- og nýsköpunarhús við Háskólann á Akureyri fullbúið
01. október 2004

Rannsókna- og nýsköpunarhús við Háskólann á Akureyri fullbúið

Þann 1. október, skiluðu ÍAV fullbúnu rannsókna- og nýsköpunarhúsi við Háskólann á Akureyri. Um einkaframkvæmd er að ræða, ÍAV sáu um byggingu hússins, Landsafl er eignaraðili þess og ISS mun reka húsið fyrir menntamálaráðuneytið næstu 25 árin.

Fréttasafn