Fréttir

01. október 2004

Rannsókna- og nýsköpunarhús við Háskólann á Akureyri fullbúið

Þann 1. október, skiluðu ÍAV fullbúnu rannsókna- og nýsköpunarhúsi við Háskólann á Akureyri. Um einkaframkvæmd er að ræða, ÍAV sáu um byggingu hússins, Landsafl er eignaraðili þess og ISS mun reka húsið fyrir menntamálaráðuneytið næstu 25 árin. Fyrsta skóflustunga að húsinu var tekin 10. júní 2003 en húsið er 5.500 fermetrar að stærð á fjórum til sjö hæðum. Að jafnaði unnu um 40-50 manns við byggingu hússins en fjöldi iðnaðarmanna fór upp í 80 manns undir lok byggingartímans.

Fjöldi stofnanna mun hafa aðstöðu í húsinu s.s. Atvinnuþróunarfélag Eyjafjarðar, Byggðarannsóknasetur Íslands, CAFF, Ferðamálasetur Íslands, auðlinda- og upplýsingatæknideild háskólans, Hafrannsóknastofnun, Impra/Iðntæknistofnun, Jafnréttisstofa, Náttúrufræðistofnun Íslands, Orkustofnun, PAME, Rannsóknastofnun fiskiðnaðarins, Rannsóknastofnun háskólans, Stofnun Vilhjálms Stefánssonar, Veðurstofa Íslands, Veiðistjórnunarsvið Umhverfisstofnunnar. Segja má því með sanni að húsið verði miðstöð rannsókna- og þróunarstarfs á Norðurlandi. Húsið verður tekið formlega í notkun 22. október nk.

Twitter Facebook
Til baka

 

ÍAV afhendir fyrsta húsið á Austurlandi
05. desember 2004

ÍAV afhendir fyrsta húsið á Austurlandi

ÍAV hafa afhent fyrsta húsið sem fyrirtækið byggir á Austurlandi. Húsið er glæsilegt einnar hæðar einbýlishús um 200 fermetrar að stærð með bílskúr. Húsið stendur við Vallargerði 17 á Reyðarfirði.

Íþróttaakademía
15. nóvember 2004

Íþróttaakademía

ÍAV hófu um miðjan nóvember 2004 byggingu fyrsta áfanga Íþróttaakademíu í Reykjanesbæ. Í Íþróttaakademíunni mun fara fram kennsla í íþróttafræðum á háskólastigi. Byggingu fyrsta áfanga hússins verður lokið næsta haust og mun skólastarf hefjast í september 2005.

Íþróttamannvirki í Garðabæ formlega opnað
10. október 2004

Íþróttamannvirki í Garðabæ formlega opnað

Nýtt stórglæsilegt íþróttamannvirki við Skólabraut í Garðabæ var formlega opnað þann 10. október sl. Byggingin er um 4.200 fm að stærð á tveimur hæðum. Í íþróttamannvirkinu er m.a. tvöfaldur handboltavöllur, kennslusundlaug með heitum potti, sex búningsklefar og hlaupabraut. Starfsmenn ÍAV hófu byggingaframkvæmdir í júní 2003.

Rannsókna- og nýsköpunarhús við Háskólann á Akureyri fullbúið
01. október 2004

Rannsókna- og nýsköpunarhús við Háskólann á Akureyri fullbúið

Þann 1. október, skiluðu ÍAV fullbúnu rannsókna- og nýsköpunarhúsi við Háskólann á Akureyri. Um einkaframkvæmd er að ræða, ÍAV sáu um byggingu hússins, Landsafl er eignaraðili þess og ISS mun reka húsið fyrir menntamálaráðuneytið næstu 25 árin.

Fréttasafn