Fréttir

17. apríl 2015

Landsnet semur við ÍAV um byggingu tengivirkis í Helguvík

Landsnet undirritaði í dag samkomulag við Íslenska aðalverktaka (ÍAV) um byggingu á nýju tengivirki Landsnets í Helguvík sem fengið hefur nafnið Stakkur. Samningurinn hljóðar upp á 341 milljón króna og er miðað við að framkvæmdum verið að fullu lokið í árslok 2015.

Nýja tengivirkið er við hlið kísilvers United Silicon (USi) við Stakksbraut og hannað með hugsanlega stækkun í huga. Þrír 132 kV rofar verða í tengivirkinu og tveir spennar, annar sem tengist kísilverinu og hinn í eigu HS Veitna. Verkið felur í sér jarðvinnu og byggingu óeinangraðs stálgrindarhúss yfir rofabúnaðinn, byggingu steyptra spennarýma með stálgrindarþaki og byggingu steypts einangraðs stjórnbúnaðarhúss. Húsin verða sambyggð á einni hæð, samtals 750 fermetrar að grunnfleti.

Undirbúningur tengivirkisins Stakks hófst hjá Landsneti haustið 2014 í framhaldi af samningi um flutning raforku til kísilvers USi í Helguvík. Hann kveður á um að tengingin verði tilbúin 1. febrúar 2016 en auk nýja tengivirkisins Stakks, felur verkefnið í sér uppsetningu á nýjum rofa í tengivirkinu á Fitjum og 9 km langan 132 kV jarðstreng milli Fitja og Helguvíkur. Gengið var frá samningum um kaup á jarðstreng og spenni árið 2014. Samið var við þýska fyrirtækið Nexans um jarðstrengskaupin og verður hann lagður sumarið 2015. 

Twitter Facebook
Til baka

 

Gleðileg jól
22. desember 2015

Gleðileg jól

ÍAV óskar landsmönnum gleðilegrar jólahátíðar og farsældar á komandi ári. Viðskiptavinum okkar þökkum við samstarfið á árinu sem er að líða.

Dýpstu og lengstu undirsjávargöng heims
14. desember 2015

Dýpstu og lengstu undirsjávargöng heims

Í síðustu viku náðist sá árangur í Solbakkgöngunum í Noregi að þau urðu dýpstu undirsjávargöng heims, 292 metrar undir sjávarmáli. Þau verða einnig lengstu undirsjávargöng heims, eða 14,3 kílómetra undir löng.

Nýjar þungavinnuvélar frá Kletti
09. desember 2015

Nýjar þungavinnuvélar frá Kletti

Þessa dagana er Klettur að afhenda ÍAV, fjóra malarflutningabíla af gerðinni Scania G410 CB 8X4 HHZ með Langendorf palli. .

ÍAV fær Volvo L180H hjólaskóflur afhentar
03. desember 2015

ÍAV fær Volvo L180H hjólaskóflur afhentar

ÍAV fékk í dag afhentar tvær nýjar Volvo L180H hjólaskóflur af fjórum sem eru komnar til landsins. Verða næstu tvær L180H hjólaskóflurnar afhentar ÍAV á næstu dögum þegar standsetning hefur farið fram á Volvo atvinnutækjaverkstæði Brimborgar.

Fréttasafn