Fréttir

18. janúar 2016

Samið um Suður­nesjalínu

Landsnet hef­ur samið við Íslenska aðal­verk­taka um und­ir­bún­ings­vinnu vegna bygg­ing­ar Suður­nesjalínu, 220 kílóvolta há­spennu­línu frá Hraun­hellu í Hafnar­f­irði að Rauðamel norðan Svarteng­is. Sjö buðu í verkið og átti ÍAV lægsta til­boðið upp á 320 millj­ón­ir en kostnaðaráætl­un Landsnets hljóðaði upp á tæp­lega 390 millj­ón­ir.

Verkið fel­ist í stór­um drátt­um í slóðagerð, jarðvinnu og bygg­ingu und­ir­staðna en línu­leiðin er rúm­ir 32 kíló­metr­ar og verða möstr­in alls 100 tals­ins.

 „Nýja lín­an mun að miklu leyti fylgja nú­ver­andi Suður­nesjalínu 1 frá Hafnar­f­irði að Rauðamel, nema aust­ast á svæðinu þar sem gert er ráð fyr­ir að hún liggi í nýju línu­belti tölu­vert fjær nú­ver­andi byggð í Hafnar­f­irði. Landraski verður haldið í lág­marki og jafn­framt er orðið við til­mæl­um sveit­ar­fé­laga á svæðinu og helstu fag­stofn­ana um að reisa nýju lín­una í nú­ver­andi mann­virkja­belti, þar sem fyr­ir eru Suður­nesjalína 1 og Reykja­nes­braut.“

Und­ir­bún­ings­vinn­an hefst um leið og aðstæður leyfa og skal verk­inu að fullu lokið fyr­ir sept­em­ber­lok 2016. Áformað er að reisa lín­una sum­arið 2017 og teng­ingu ljúki á því ári.

Á myndinni eru Guðmund­ur Ingi Ásmunds­son, for­stjóri Landsnets, og Sig­urður R. Ragn­ars­son, for­stjóri ÍAV, að hand­sala sam­komu­lag vegna und­ir­bún­ings­vinnu Suður­nesjalínu 2. Ljós­mynd/ Landsnet

Twitter Facebook
Til baka

 

Framkvæmdir í Búrfelli
12. desember 2016

Framkvæmdir í Búrfelli

Undanfarnar vikur hafa verið teknar myndir í Búrfelli af „raisebor“ og sá fyrirtækið Profilm um þá vinnu.

Framkvæmdir við flugbrautir í fullum gangi
28. september 2016

Framkvæmdir við flugbrautir í fullum gangi

Flugbrautaendurnýjun á Keflavíkurflugvelli er eitt af stærstu verkefnunum sem ÍAV er að fást við þessa dagana, samtals vel á sjötta milljarð króna skv. verksamningi. Verkið er fólgið í endurnýjun malbiks og raflagna á aðalflugbrautunum á Keflavíkurflugvelli auk þess sem tengingar milli akstursleiða og flugbrauta eru líka lagfærðar að hluta.

Fréttasafn