Fréttir

10. janúar 2018

Flughermahús Icelandair, 2. áfangi

ÍAV hefur skilað af sér öðrum áfanga af flughermabyggingu fyrir Icelandair í Hafnarfirði.

Grafa þurfti fyrir og koma upp steyptum sökklum og botnplötu ásamt tilheyrandi jarðvinnu, bergfestum, innsteyptum boltum, grunnlögnum og öðru sem þurfti til.

Einnig var útveguð og reist stálgrind og gengið frá ytri klæðningu með útveggjaeiningum, gluggum, hurðum, þaki með reyklúgum, áfellum og þakkanti og öðru sem þurfti til að byggingin yrði vind- og vatnsþétt. Að innan voru gólf vélslípuð með frágangsáfellum út við veggi. Allt stál var fullfrágengið,  málað og brunavarið. Að lokum voru milligólf krossviðsklædd.

Byggingin er tvískipt og mun annarsvegar hýsa flugherma og hinsvegar æfingarsal fyrir þjálfun flugliða Icelandair. Reistur var milliveggur sem skipti húsinu upp í tvo sali.

Icelandair stefnir að því að taka flugherminn í notkun sumarið 2018.

Verkefnastjóri var Þórunn Arnardóttir og byggingarstjóri Oddur H. Oddsson. Verkið var unnið fyrir Iceeignir. Eftirlit var Ferill verkfræðistofa.

Twitter Facebook
Til baka

 

Nýtt hótel Mariott keðjunnar
20. júlí 2018

Nýtt hótel Mariott keðjunnar

ÍAV er með stýriverktökusamning að byggja upp alla aðstöðu á þessu þjónustusvæði og þar á meðal hótel. Hótelinu á að skila seinni part árið 2019 en þjónustukjarninn þar sem verða verslanir og veitingarstaðir er áætlað síðar.

Búrfellsstöð II gangsett
28. júní 2018

Búrfellsstöð II gangsett

Í dag var Búrfellsstöð II gangsett, 26 mánuðum eftir að framkvæmd hófst og við það tækifæri lagði Forseti Íslands hornstein að stöðinni.

Verkstaða á Móavegi 2-12
21. júní 2018

Verkstaða á Móavegi 2-12

Í framhaldi af undirritun verksamnings um uppbyggingu á almennum leiguíbúðum á Móavegi 2-12 fyrir Bjarg íbúðafélag hses. þann 16. febrúar síðastliðinn, er undirbúningi framkvæmdar á verkstað lokið.

Fréttasafn