Fréttir

23. febrúar 2018

Nýr verksamningur - Móavegur 2

Bjarg íbúðafélag hses. sem er húsnæðissjálfseignarstofnun stofnuð af ASÍ og BSRB og ÍAV undirrituðu þann 16. mars 2018 verksamning sem felur í sér að ÍAV byggi og afhendi samtals 155 almennar leiguíbúðir í sjö 3-4 hæða byggingum með sameiginlegum bílakjallara fyrir fast heildarverð

Framkvæmdir hefjast á næstu dögum og áætluð verklok eru áætluð í júní 2020. Hér má sjá myndband frá fyrstu skóflustungunni.

Undirritun verksamningsins á sér nokkurn aðdraganda, en samningsaðilar gerðu með sér samstarfssamning þann 23. mars 2017, sem byggðist á því að veitti ÍAV ráðgjöf um hönnun og kostnaðarmat fyrir verkefnið.  Aðilar hafa því síðan unnið að gerð hönnunargagna með það að leiðarljósi að byggja megi hagkvæmar leiguíbúðir í anda 17. greinar laga 52/2016.

Verkefnastjóri verður Sigurjón Jónsson, byggingastjóri verður Oddur Helgi Oddsson aðstoðarbyggingastjóri verður Össur Emil Friðgeirsson.

Twitter Facebook
Til baka

 

ÍAV byggir fjölnota íþróttahús í Garðabæ
22. desember 2018

ÍAV byggir fjölnota íþróttahús í Garðabæ

Verksamningur milli Garðabæjar og Íslenskra aðalverktaka um hönnun og byggingu á nýju fjölnota íþróttahúsi í Garðabæ var undirritaður föstudaginn 21. desember. Undirritunin fór fram utandyra í Vetrarmýri á þeim stað þar sem húsið mun rísa. Gunnar Einarsson bæjarstjóri Garðabæjar undirritaði samninginn fyrir hönd Garðabæjar og Sigurður R. Ragnarsson forstjóri fyrir hönd Íslenskra aðalverktaka.

Suðurlandsvegur - skrifað undir samning
12. desember 2018

Suðurlandsvegur - skrifað undir samning

Vegagerðin og Íslenskir aðalverktakar hf. skrifuðu þann 11.desember 2018 undir samning um gerð fyrsta áfanga við breikkun Hringvegar á milli Hveragerðis og Selfoss. ÍAV hf. átti lægsta tilboðið í verkið og hljóðaði það upp á 1.361 milljón króna. Verkinu skal lokið næsta haust eða 15. september.

ÍAV - fluttir á milli húsa
02. desember 2018

ÍAV - fluttir á milli húsa

Mánudaginn 3. desember opna skrifstofur ÍAV kl. 8:00 á nýjum stað á Höfðabakka 9 - núna 9D við hliðina á Íslandsbanka.

Fréttasafn