Fréttir

04. júní 2018

Kirkjusandur - 1. skóflustunga

Miðvikudaginn 23. maí var tekin fyrsta skóflustunga fyrir fyrsta húsinu á Kirkjusandsreitnum, þar með hófust verklegar framkvæmdir við uppbyggingu íbúðablokkar með 77 íbúðum, ásamt bílakjallara sem verður samtengdur öðrum bílakjöllurum á reitnum.

Húsið er á 7 hæðum og er heildar flatarmál hæða 8.500 m², kjallari hússins ásamt bílakjallaranum á lóðinni er 3.618 m². Aðalhönnuður er Smith Hammer Lasse í samstarfi við VA-arkitekta. Mikil uppbygging er fyrirhuguð á svæðinu en 105 Miðborg sem hefur umráð þar yfir fjórum lóðum hefur samið við ÍAV um uppbyggingu á þremur þeirra, þar verður reist íbúða- skrifstofu- og verslunarhúsnæði.

Nú er vinna komin á fullt við undirbúning vinnusvæðisins, uppsetningu vinnubúða og gröftur hafinn. Verklok þessa fyrsta áfanga eru áætluð í lok næsta árs.    

Twitter Facebook
Til baka

 

Suðurlandsvegur - skrifað undir samning
12. desember 2018

Suðurlandsvegur - skrifað undir samning

Vegagerðin og Íslenskir aðalverktakar hf. skrifuðu þann 11.desember 2018 undir samning um gerð fyrsta áfanga við breikkun Hringvegar á milli Hveragerðis og Selfoss. ÍAV hf. átti lægsta tilboðið í verkið og hljóðaði það upp á 1.361 milljón króna. Verkinu skal lokið næsta haust eða 15. september.

ÍAV - fluttir á milli húsa
02. desember 2018

ÍAV - fluttir á milli húsa

Mánudaginn 3. desember opna skrifstofur ÍAV kl. 8:00 á nýjum stað á Höfðabakka 9 - núna 9D við hliðina á Íslandsbanka.

Verkstaða á Móavegi 2-12
30. nóvember 2018

Verkstaða á Móavegi 2-12

Stöðugur stígandi hefur verið í verkinu á Móavegi, frá því verksamningur var undirritaður þann 16. febrúar 2018. Verkefnið, sem byggt samkvæmt lögum um almennar íbúðir og telur samtals 155 íbúðir og er byggt á vegum ÍAV fyrir Bjarg íbúðafélag hses. Verksamningsáætlun tiltekur að verkinu skuli skilað í áföngum fram í júní 2020.

Kirkjusandur staða 27.11.18
27. nóvember 2018

Kirkjusandur staða 27.11.18

Samningur okkar er um að hönnunarstýra og byggja þrjú hús, eitt íbúðarhús, 77 íbúðir, eitt hús með verslunum á jarðhæð og íbúðum á efri hæðum, bygging C, 52 íbúðir, og eina skrifstofubyggingu, bygging B. Þá er einnar hæðar sameiginlegur bílakjallari undir öllum húsunum.

Fréttasafn