Fréttir

21. júní 2018

Verkstaða á Móavegi 2-12

Í framhaldi af undirritun verksamnings um uppbyggingu á almennum leiguíbúðum á Móavegi 2-12 fyrir  Bjarg íbúðafélag hses. þann 16. febrúar síðastliðinn, er undirbúningi framkvæmdar á verkstað lokið. 

Tímamót urðu í verkinu í gær, þann 20. júní 2018, þegar fleygvinnu með stórvirkri beltagröfum lauk og hefur beltavélin verið flutt í annað verkefni. 

Nágrannar framkvæmdarinnar á Móavegi eiga þó eftir að sjá hjólagröfur á vegum ÍAV vinna á svæðinu fram eftir ári við að fylla að og slétta í kringum nýbyggingar, eftir því sem þær rísa úr jörðu.

Framkvæmdum á vegum Veitna við færslur á stofnhitavatnslögnum nærliggjandi íbúðahverfa í sunnanverðum reitnum (sunnan við göngustíginn sem nú er búið að moka í burtu) miðar einnig áfram.

Búið er að grafa fyrir bílakjallara sem kemur á miðjan byggingareitinn og farið er að móta fyrir útveggjum kjallarans.

Í dag, þann 21. júní 2018, er búið að steypa úthring og 1. hæðar á Móavegi 12 og um helming milliveggja jarðhæðar.  Þá er búið steypa 50% steyptra milliveggja á 1. hæð. 

Móavegur 12 er fyrsta blokkin, með tuttugu íbúðum, sem afhent verður fullbúin til Bjargs í júní 2019.

Búið er að steypa upp alla 1. hæð á Móavegi 10, sem er 39 íbúða blokk, byggð í vinkil. 

Búið er að steypa gólfplötu 2. hæðar í suðurálmu og byrjað er að stilla upp mótum fyrir útveggi 2. hæðar í sömu álmu.  Unnið er að undirbúningi fyrir steypu á gólfplötu 2. hæðar í vesturálmu.

Móavegur 10 verður önnur blokkin sem afhent verður fullbúin til Bjargs í september 2019.

Unnið er eftir þeirri áætlun að ljúka við undirstöður og fyllingu að grunnum allra bygginga fyrir fyrstu frost í haust.

Í dag starfa um 30 manns á svæðinu á degi hverjum.

Twitter Facebook
Til baka

 

ÍAV byggir fjölnota íþróttahús í Garðabæ
22. desember 2018

ÍAV byggir fjölnota íþróttahús í Garðabæ

Verksamningur milli Garðabæjar og Íslenskra aðalverktaka um hönnun og byggingu á nýju fjölnota íþróttahúsi í Garðabæ var undirritaður föstudaginn 21. desember. Undirritunin fór fram utandyra í Vetrarmýri á þeim stað þar sem húsið mun rísa. Gunnar Einarsson bæjarstjóri Garðabæjar undirritaði samninginn fyrir hönd Garðabæjar og Sigurður R. Ragnarsson forstjóri fyrir hönd Íslenskra aðalverktaka.

Suðurlandsvegur - skrifað undir samning
12. desember 2018

Suðurlandsvegur - skrifað undir samning

Vegagerðin og Íslenskir aðalverktakar hf. skrifuðu þann 11.desember 2018 undir samning um gerð fyrsta áfanga við breikkun Hringvegar á milli Hveragerðis og Selfoss. ÍAV hf. átti lægsta tilboðið í verkið og hljóðaði það upp á 1.361 milljón króna. Verkinu skal lokið næsta haust eða 15. september.

ÍAV - fluttir á milli húsa
02. desember 2018

ÍAV - fluttir á milli húsa

Mánudaginn 3. desember opna skrifstofur ÍAV kl. 8:00 á nýjum stað á Höfðabakka 9 - núna 9D við hliðina á Íslandsbanka.

Fréttasafn