Bygging íbúða á Lýsislóðinni í vesturbæ Reykjavíkur
Undirritaður hefur verið samningur milli ÍAV og Lýsis um kaup á lóð Lýsis við Grandaveg í Reykjavík. Á lóðinni, sem nú hýsir starfsemi Lýsis, munu ÍAV byggja 140 til 150 íbúðir. Áætlað er að sala þeirra hefjist næsta haust og framkvæmdir hefjist í desember 2004.
Einnig hefur verið undirritaður samningur um að ÍAV byggi verksmiðju- og skrifstofuhúsnæði undir alla starfsemi Lýsis við Fiskislóð. Byggingin verður um 4.500 fermetrar að stærð og er gert ráð fyrir að hún verði tekin í notkun í desember 2004.