Fyrstu íbúarnir flytja inn í Sóltún
Fyrstu 14 íbúðirnar í Sóltúni hafa nú verið afhentar, en áætlað er að 73 íbúðir í Sóltúni verði afhentar á þessu ári. Gífurleg eftirspurn er eftir íbúðum í Sóltúni, allar íbúðir í fyrsta byggingaráfanga seldust upp og þegar hafa 65 manns skráð sig á biðlista fyrir íbúðir í Mánatúni þó að sala sé ekki enn hafin.
Framkvæmdir ganga í alla staði vel, og á dögunum bættist rós í hnappagatið þegar Sóltún 5,7,9, og 11 hlaut viðurkenningu Byggingarnefndar Reykjavíkur fyrir framúrskarandi hönnun Ingimundar Sveinssonar arkitekts.