Hagnaður 222,3 milljónir króna fyrstu 6 mánuði ársins 2002
Hagnaður nam 222,3 milljónum króna fyrstu 6 mánuði ársins 2002 samanborið við 214,4 milljóna króna tap á sama tímabili ársið 2001. Viðsnúningur 436 milljónir króna milli ára.
Á stjórnarfundi Íslenskra aðalverktaka hf. þann 22. ágúst var árshlutareikningur fyrir fyrrihelming ársins 2002 staðfestur. Árshlutareikningur Íslenskra aðalverktaka hf. hefur að geyma samstæðureikning félagsins og dótturfélaga þess. Hann er í meginatriðum gerður eftir sömu reikningsskilaaðferðum og árið áður.
Rekstur á fyrstu sex mánuðum ársins 2002
Rekstrartekjur samstæðu Íslenskra aðalverktaka hf. námu 3.281 milljónum króna á fyrstu sex mánuðum ársins 2002, samanborið við 4.368 milljónir króna á fyrri helmingi síðasta árs. Hagnaður fyrir fjármagnsliði, skatta og afskriftir (EBITDA) er 271,9 milljón króna, samanborið við 473,3 milljónir króna á fyrri helmingi árs 2001. Hagnaður fyrir fjármagnsliði og skatta nam 128,2 milljónum króna á móti 321,2 milljónum króna á fyrri helmingi árs 2001. Hagnaður félagsins fyrir skatta, að teknu tilliti til afkomu hlutdeildarfélags nam 278,7 milljónum króna samanborið við 277,5 milljónir króna tap á fyrstu sex mánuðum ársins 2001. Að teknu tilliti til reiknaðra skatta nam hagnaður félagsins á fyrri helmingi ársins 2002 222,3 milljónum króna samanborið við 214,4 milljónir króna tap á fyrri helmingi árs 2001.