Hótel í Aðalstræti
ÍAV og Innréttingarnar ehf hafa undirritað samning um hönnun og byggingu 90 herbergja, 3.700 fermetra hótels á fjórum hæðum á horni Aðalstrætis og Túngötu. Í kjallara hótelsins verður byggður 1.200 fermetra Landnámsskáli á vegum Reykjavíkurborgar.
Framkvæmdir við Landnámsskálann hefjast í ágúst en bygging hótelsins hefst í desember nk. Gert er ráð fyrir að hótelið verði tekið í notkun í apríl árið 2005. Aðalhönnuður er Teiknistofan Skólavörðustíg 28.