Hundraðasta íbúðin í Klapparhlíð afhent

ÍAV afhentu föstudaginn 19. desember 2003 hundruðustu íbúðina í Klapparhlíð í Mosfellsbæ. Bygging hverfisins hófst í mars 2001 og voru fyrstu íbúðir afhentar í nóvember sama ár. Sérlega rúmt er um húsin í hverfinu, en þau samanstanda af lágreistum fjölbýlishúsum og raðhúsum. Hverfið er mjög fjölskylduvænt í nálægð við skóla og leikskóla auk þess sem stutt er á góð útivistarsvæði.

Kaupendur hundruðustu íbúðarinnar eru Lýður Ólafsson og Rósa H. Haraldsdóttir. Þau fluttu í íbúðina fyrir jól ásamt þremur börnum sínum.

Á myndinni má sjá frá vinstri, Baldur Reynisson byggingastjóra, Lýð, Ingu Brynju Magnúsdóttur sölufulltrúa og Sverri Gunnarsson gæðastjóra.