Nýtt fyrirtæki
ÍAV - Íslenskir aðalverktakar hf. voru síðan stofnaðir 31. maí 1997 með yfirtöku ákveðinna eigna og skuldbindinga, ásamt öllum verksamningum Íslenskra aðalverktaka sf. sem þá höfðu starfað sem verktakar á varnarsvæðum hérlendis allt frá 1954.
Frá árinu 1998 til dagsins í dag hafa orðið verulegar breytingar á rekstri og stjórnskipulagi félagsins en félagið stefnir markvisst að því að vera alhliða fyrirtæki á öllum sviðum mannvirkjagerðar bæði hvað varðar fjármögnun og framkvæmdir og að vaxandi hluti starfseminnar verði á sviði eigin framkvæmda og nýsköpunar.
Í maí 2003 keypti eignarhaldsfélagið AV, sem er í eigu stjórnenda og starfsmanna ÍAV, hlut íslenska ríkisins í félaginu og gerði í framhaldi af því öðrum hluthöfum yfirtökutilboð.