Sveit ÍAV Íslandsmeistari í brids
Sveit ÍAV varð hlutskörpust á Íslandsmótinu í brids sem lauk um páskana. Undir lok mótsins börðust þrjár sveitir um sigurinn og skildu aðeins 3,5 stig sveitirnar að í lokin. Sveit ÍAV spilaði sérlega vel og sigraði verðskuldað. Sveitin vann góða sigra á aðalkeppinautunum, sveit Guðmundar Sv. Hermannssonar 22-8 og sveit Subaru 24-6. Sveitin hlaut 171,5 stig, sveit Guðmundar Sv. Hermannssonar 170 stig og sveit Subaru 168 stig. Sveit ÍAV skipuðu Sævar Þorbjörnsson, Matthías Þorvaldsson, Bjarni Einarsson, Þröstur Ingimarsson, Anton Haraldsson og Sigurbjörn Haraldsson.