Umbrotaár ÍAV
Árið 1999 var mikið umbrotaár í starfsemi Íslenskra aðalverktaka hf. Félagið notaði umtalsverðar upphæðir til fjárfestinga í samræmi við stefnumótun stjórnar um framtíðarstarfsemi félagsins. Á árinu 1999 keypti félagið allt hlutafé í tveimur rótgrónum byggingarverktakafyrirtækjum, Ármannsfelli hf. í Reykjavík og Álftárósi ehf. Í Mosfellsbæ. Einnig eignaðist félagið á árinu allt hlutafé í Byggingarfélaginu Úlfarsfelli hf. en eina starfsemi þess félags var eignarhald á Blikastaðalandi í Mosfellsbæ og landsvæði á Álftanesi. Uppbyggingu og framkvæmdum á Álftaneslandinu er lokið en Blikastaðalandið bíður uppbyggingar sem framtíðarbyggingarsvæðí fyrir á annað þúsund íbúðir auk iðnaðar og þjónustusvæða.