ÍAV aðalstyrktaraðili Keflavíkur Knattspyrnu
Stefán Friðfinnsson forstjóri ÍAV og Rúnar Arnarson formaður Keflavíkur Knattspyrnu, undirrituðu fimmtudaginn 14. júní 2001 styrktarsamning til næstu þriggja ára. Samningurinn kveður á um að ÍAV verði annar tveggja aðalstyrktaraðila deildarinnar.
"Það er ÍAV sönn ánægja að styðja við bakið á Keflavík Knattspyrnu en rætur fyrirtækisins eru í Keflavík. Vel hefur verið staðið að málum hjá deildinni og gott er að vera annar tveggja styrktaraðila hjá liðinu sem um þessar mundir leiðir Símadeildina", segir Stefán.
ÍAV verða m.a. með þrívíðarmerkingar við mörkin á vellinum í sumar og eru þar með fyrsta fyrirtæki hér á landi til að setja upp þrívíðarauglýsingar á fótboltavelli. Merking sá um uppsetningu merkjanna og má sjá hvernig þau líta út á heimasíðu Merkingar.