‹ ›

Aðkomugöng undir stæði Kárahnjúkastíflu. Verkið fólst í gerð 720 metra langra jarðganga í vesturbakka Jökulsár á Dal undir stíflustæði Kárahnjúkastíflu, neðan við stífluna í Hafrahvammsgljúfri.

Göngin eru um 6 metra há og annað eins á breidd með 13,5% halla inn undir stífluna.

Íslenskir aðalverktakar settu upp Internetsamband um gervihnött vegna framkvæmda við Kárahnjúkaveg haustið 2002, fjarskiptastöð til að þjóna starfsmönnum ÍAV á staðnum. Um var að ræða 512 Kb sítengt samband um Eutelsat-gervihnött með IP-síma. Stöðin var í um 730 metra hæð yfir sjávarmáli og því sú hæsta á landinu.