ÍAV rekur malavinnslu og sölu á þremur stöðum á suðvesturhorni landsins, í Lambafelli í Þrengslum, í Stapafelli og Rauðamel á Suðurnesjum. Í námunum í Lambafelli og Stapafelli eru seld bæði unnin og óunnin fyllingarefni til mannvirkjagerðar.

Í námunni í Rauðamel eru unnin og seld fylliefni í steinsteypu og er sú framleiðsla með heimild til CE – merkingar á framleiðslunni.

ÍAV leggur kapp á að geta sýnt fram á gerð efnisins sem selt er, þannig að viðskiptavinurinn þurfi ekki að fara í grafgötur með hvaða efni hann er að kaupa. Ávallt eru til staðar á vefnum nýjustu upplýsingar um efnisgæði og kornakúrfur.

Opnunartími í Stapafelli og Lambafelli er:

Mánudaga - fimmtudaga kl. 08:00 - 18:00

Föstudaga kl. 08:00 - 14:40

Skoða meira

Íslenskir aðalverktakar eru framsækið fyrirtæki sem hefur uppbyggingu og mótun umhverfisins að leiðarljósi. Það er stefna fyrirtækisins að ávallt séu spennandi verkefni fyrir hendi sem ýtir undir velgengni sem og ánægju starfsfólksins. 

Á þeim 65 árum sem liðin eru frá stofnun ÍAV hefur fyrirtækið byggt ótal mannvirki.   Mannvirkin spanna allat svið byggingariðnaðarins og má þar nefna íbúðabyggingar, verslunar- og skrifstofuhúsnæði, vegi, brýr, jarðgöng, veitur, snjóflóðamannvirki, hafnir, virkjanir, iðnaðarhúsnæði, verksmiðjur,  skóla, sundlaugar, íþróttahús, knattspyrnuhallir og nú síðast Hörpu. Hér má finna upplýsingar um helstu verkefni sem ÍAV hefur fullklárað eða tekið þátt í að fullklára síðan árið 1990 fyrir utan núverandi framkvæmdir.

Skoða meira

Íslenskir aðalverktakar  vilja vernda náttúru landsins og tryggja að efni sé nýtt  á besta mögulega hátt og úrgangur endurnýttur eins og kostur er. Til að ná fram þessu markmiði sínu stefnir félagið að því að beita jafnt umhverfisvænum og hagkvæmum aðferðum í verkefnum sínum.

Áhersla verður lögð á skilvirka nýtingu auðlinda og næmi gagnvart menningarlegum og samfélagslegum gildum. Góð umgengni við verk okkar svo og flokkun á úrgangi frá byggingastarfsemi er einn af kjarna ferlum í þessari stefnu. Með því að beita nýjustu tækni á þessum sviðum ætlar félagið að samræma þau markmið sín að mæta þörfum viðskiptavina, tryggja arðsemi og auka endurvinnslu.

Skoða meira

Íslenskir aðalverktakar  voru upphaflega stofnaðir að frumkvæði íslenskra stjórnvalda til að uppfylla samningsskyldur Íslands gagnvart Bandaríkjum Norður-Ameríku samkvæmt samningi um íslenska verktöku fyrir varnarliðið frá 1954. Félagið er því 65 ára á árinu 2019 og er elsta starfandi verktakafyrirtæki á Íslandi. 

Á þeim tíma, þegar félagið hófu starfsemi sína, voru tæpast til í landinu þau tæki og verkþekking sem dugðu til varnarframkvæmda nema hjá Bandaríkjamönnum og verktökum þeirra. Yfirtaka verktökunnar var merkilegur áfangi í iðnsögu Íslands sem reyndist drjúgur skóli fyrir starfsmenntun á sviði byggingariðnaðar. Á vegum fyrirtækisins voru flutt inn til landsins ýmsar vélar og tæki sem ekki höfðu áður sést í íslenskri verktakastarfsemi og sá þess fljótt stað í ýmsum framkvæmdum víða um land.  

Skoða meira

Í verkum sínum leggur ÍAV mikið upp úr gæðum og umfram allt öryggi og heilbrigði starfsmanna.  Til að ná þeim markmiðum hefur fyrirtækið á undanförnum árum undirgengist tvær alþjóðlegar vottanir.

Annars vegar vottun samkvæmt ISO 9001:2015 gæðastaðlinum sem fyrirtækið hlaut 2009 og hins vegar samkvæmt ISO 45001-2018 öryggisstaðlinum sem fyrirtækið fékk vorið 2020.  ÍAV hefur verið með öryggisvottun frá árinu 2014.

Sá fyrrnefndi tryggir að öll verk ÍAV eru unnin samkvæmt ákveðnu gæðaviðmiði sem staðallinn setur og sá síðarnefndi að öryggis- og heilbrigðismál séu órjúfanlegur þáttur í öllum framkvæmdum ÍAV. 

BSi er vottunaraðili ÍAV í báðum þessum vottunum og heimsækir fyrirtækið reglulega og tryggir að unnið sé eftir ákvæðum þessara staðla.

ÍAV er eini verktakinn á almennum byggingarmarkaði sem hefur þessar vottanir og er því leiðandi á þessu sviði.

Í byrjun árs 2020 hlaut ÍAV jafnlaunavottun frá BSi, en það er vottun um að ÍAV starfræki launakerfi sem stenst kröfur jafnlaunastaðalsins ÍST 85:2012.