Um námurnar
ÍAV rekur malavinnslu og sölu á þremur stöðum á suðvesturhorni landsins, í Lambafelli í Þrengslum, í Stapafelli og Rauðamel á Suðurnesjum.
Í námunum í Lambafelli og Stapafelli eru seld bæði unnin og óunnin fyllingarefni til mannvirkjagerðar.
Í námunni í Rauðamel eru unnin og seld fylliefni í steinsteypu og er sú framleiðsla með heimild til CE – merkingar á framleiðslunni.
Öll framleiðsla er rannsökuð m.t.t. brotþols og kornadreifingar nema fyllingarefnin, þar eru einungis til brotþolsrannsóknir.
Í Stapafelli og Rauðamel er í gangi vinna við mat á umhverfisáhrifum og í kjölfarið af því vinna við deiliskipulag svæðisins.
Lambafellsnáma hefur farið í gegnum mat á umhverfisáhrifum og fyrir liggur deiliskipulag af svæðinu.
ÍAV leggur kapp á að geta sýnt fram á gerð efnisins sem selt er, þannig að viðskiptavinurinn þurfi ekki að fara í grafgötur með hvaða efni hann er að kaupa. Ávallt eru til staðar á vefnum nýjustu upplýsingar um efnisgæði og kornakúrfur.
Opnunartími í Stapafelli, Rauðamel og Lambafelli er:
Mánudaga – fimmtudaga kl. 08:00 – 18:00
Föstudaga kl. 08:00 – 14:40