ÍAV gaf út sína fyrstu sjálfbærniskýrslu árið 2023. Skýrslan byggir á þremur stoðum sjálfbærni: Umhverfismál, félagslegir þættir og stjórnarhættir og er hún byggð á fyrirmynd leiðbeininga frá Nasdaq.
ÍAV er einn stærsti og elsti verktaki landsins. Hjá fyrirtækinu starfa um 240 starfsmenn í verkefnum sem eru dreifð á höfuðborgarsvæðið sem og á landsbyggðinni. Verkefnin eru ólík eins og þau eru mörg og má þar nefna jarðvinnuverkefni, jarðgangnaverk, byggingarframkvæmdir, námugröftur sem og fjölda þjónustusamninga.
Verkefni sem ÍAV hefur tekið að sér í gegnum tíðina eru til dæmis: Harpa tónlistarhús, Óshlíðargöng, breikkun Reykjanesbrautar, Fangelsið Hólmsheiði, Stækkun Búrfellsvirkjunar og margt fleira.
ÍAV leggur mikla áherslu á kraft og framsækni í starfsfólki sínu og er slagorð ÍAV: færni, frumkvæði og fagmennska.