Íslenskir aðalverktakar hf. fyrir hönd Bjargs íbúðafélags byggja hér samtals 99 almennar leiguíbúðir í 6 tveggja til fimm hæða byggingum. Bjarg íbúðafélag er húsnæðissjálfseignastofnun stofnuð af ASÍ og BSRB.
Burðarvirki er staðsteypt. Gólfplötur ofan jarðhæðar byggðar upp með filigran- og ásteypulagi. Þök eru hefðbundin, stálbitar, sperrur, lektur, krossviðarklæðning og bræddur pappi. Byggingar eru einangraðar að utan og álklæddar.
Byggingar eru afhentar fullbúnar með innréttingum og gólfefnum.
Upphaf framkvæmda er maí 2019 og er miðað við að leiga fyrstu íbúða verði 1. nóvember 2020. Áætlað er að verkinu verði að fullu lokið í febrúar 2021.