Fréttir


24. júní 2014

Stækkun Flugstöðvar Leifs Eiríkssonar

ÍAV hefur hafið framkvæmdir við stækkun Flugstöðvar leifs Eiríkssonar. ÍAV sér um jarðvegsframkvæmdir, reisingu burðarvirkis, utanhússfrágang auk uppsetningar á lyftum og rúllustigum.

07. júní 2014

Samruni fyrirtækja og einföldun á skipulagi.

Þann 1.júlí n.k. munu eftirfarandi breytingar verða á rekstrarfyrirkomulagi ÍAV samstæðunnar. Íslenskir aðalverktakar hf. (ÍAV hf.) kt.660169-2379 taka yfir ÍAV námur ehf. Kt. 610302-2110 og verða félögin sameinuð undir ÍAV hf. Allar skuldbindingar ÍAV náma ehf. flytjast að fullu til ÍAV hf. og þar með talið allir starfsmenn og allar útistandandi viðskiptakröfur og viðskiptaskuldir. Öll viðskiptakjör viðskiptavina ÍAV náma ehf. flytjast óbreytt yfir til ÍAV hf. Forstjóri ÍAV hf. er Karl Þráinsson.

27. maí 2014

Fréttir af Arnarhvoli

Í vetur hefur ÍAV unnið við endurbætur á Arnarhvoli og gamla Hæstarétti, skipt hefur verið um alla glugga, gert við steypu og múrskemmdir, járn fjarlægt af þaki og asfaltdúkur lagður í staðinn. Nú er verið að endursteina húsið. Framkvæmdir hafa gengið vel og er áætlað að ljúka verkinu í lok júní.

12. maí 2014

Fangelsið Hólmsheiði

Vinna við fangelsið gengur vel. Um 70% af uppslætti sökkla er lokið og byrjað er að fylli inn í grunn byggingarinnar. Einangrun sökkla er langt kominn og vinna við frárennslislagnir innann sökkuls eru að hefjast.

07. maí 2014

Fræðslustjóri að láni til ÍAV

Nýlega var undirritaður samningur um Fræðslustjóra að láni við Íslenska aðalverktaka með aðstoð fræðslusjóðanna Starfsafls, Landsmenntar, SVS (Starfsmenntasjóður verslunar- og skrifstofufólks), Rafiðnaðarskólans og IÐUNNAR. Það er Attentus ráðgjöf ehf. sem mun annast ráðgjöfina fyrir sjóðina.

28. apríl 2014

Breytingar hjá ÍAV

Gunnar Sverrisson forstjóri ÍAV Holding hefur ákveðið að láta af störfum hjá félaginu. ÍAV Holding er eignarhaldsfélag sem meðal annars er móðurfélag Íslenskra aðalverktaka hf. Gunnar mun áfram sitja í stjórn félagsins.

07. apríl 2014

Bygging húss fyrir flughermi

Í lok mars var skrifað undir samning milli Íslenskra aðalverktaka og Iceeigna (hluti af Icelandair Group) um byggingu hús fyrir flughermi til þjálfunar fyrir flugmenn Icelandair. Húsnæðið er á Völlunum í Hafnarfirði, nánar tiltekið á Flugvöllum.

17. mars 2014

Framkvæmdir við fangelsi á Hólmsheiði

Framkvæmdir við byggingu fangelsis á Hólmsheiði miðar vel. Aðstöðusköpun er í fullum gangi, reistir hafa verið tveir byggingarkranar. Búið er að tengja hitaveitu við skrifstofu-, mötuneyti og aðstöðu iðnaðarmanna.