Nýjar myndir af fyrirhugaðri Þjóðarhöll í Laugardal sýna glæsilega framtíðarsýn fyrir eitt stærsta og metnaðarfyllsta mannvirki sem byggt verður á Íslandi á komandi árum.
Íslenskir aðalverktakar eru stoltir af því að koma að uppbyggingu þessa mikilvæga þjóðarmannvirkis. Þjóðarhöllin verður um 19.000 m² fjölnota mannvirki með rými fyrir allt að 8.600 sitjandi gesti og allt að 12.000 gesti á stærstu viðburðum.
Verkefnið krefst mikillar reynslu, nákvæmrar verkstýringar og öflugs samstarfs allra aðila. Með áratuga reynslu af uppbyggingu stórra og flókinna mannvirkja mun ÍAV leggja áherslu á gæði, öryggi og fagleg vinnubrögð á öllum stigum framkvæmdarinnar.
Þjóðarhöllin mun skapa nýja aðstöðu fyrir íslenskt íþróttafólk og opna möguleika á að halda alþjóðlega íþróttaviðburði, tónleika, ráðstefnur og aðra stórviðburði á Íslandi.
Fyrir ÍAV er það bæði heiður og ábyrgð að taka þátt í uppbyggingu mannvirkis sem mun marka nýjan kafla í íslenskri byggingarsögu og þjóna komandi kynslóðum.
